भूकम्पबाट बचौं र बचाऔं

 शनिबार, माघ ५, २०७५ | onlinenews
Share this

न भविष्यवाणी गर्न सकिने
न विज्ञान न आध्यात्मले पत्तो पाउने
सात प्लेट ठोकिँदा
मानवीय, भौतिक र वातावरणीय क्षति गर्ने
विनासकारी प्रकोप भूकम्प ।

संरचना ध्वस्त
पुरात्वतिकको निसाना मेट्ने
पशुपन्छि र भूतलको क्षत विक्षत पार्ने
मानव निर्मित संरचनाले
आफ्नै देश, गाउँ र घरमा शरणार्थी बनाइ दिने
आफ्नै धर आँगनमा नजरवन्द गराउने
फूटपाथ र खुल्ला चौरमा बास राख्ने
प्रकोप हो, भूकम्प ।

राजादेखि रैतीसम्म मार्ने
हजारौं घाइते पार्ने
घर, मन्दिर, विद्यालय ध्वस्त पार्ने
विचल्ली, त्रास, भयमा राख्ने
आर्तनाद, विजोगमा जिउन वाध्य पार्ने
प्रकोप हो, भूकम्प ।

बालबालिका अनाथ, अपाङ्ग पारिदिने
अभिभावक विहिन र मृत्यु वरण गराउने
आपराधिक काममा लगाउन बाध्य पार्ने
बेचविखनमा पार्ने
महा विपद् नै हो भूकम्प ।

दुःख कष्ट, रोग, भोग शोकमा डुवाउने
विकृति विसंगति अपराध बढाउने
अशान्ति, चित्कार बलात्कार लुट गराउने
शोषण, हत्या हिंसा निम्त्याउने
न चाहिन्छ, न भनेको बेला पाइन्छ
भूकम्प ।

भूकम्पले विपद् निम्त्यायो
लास बेवारिसे भए
उत्खनन् गर्न पाइएन
मान्छे चौपयाँ भित्रै कुहिए
हाहाकार चित्कार भयो
ज्यान धन र वातावरणको स्वाँहा भयो
त्यसैले
जीवन रक्षा, वातावरण संरक्षण र सम्पती रक्षाका लागि
जनचेतना तथा क्षमता वृद्धि गरौं
आपत्कालिन पूर्व तयारी गरौं
विपद्को समयमा प्रतिकार्यमा जुटौं
पुर्नस्थापना र पुर्ननिर्माणमा लागौं ।

मानवीय ममता र मानवताले भरिएका नेपाली हामी
प्रकृतिप्रेमी, मानवताका पुजारी हामी
जागौं, बुझौं र लागौं
भूकम्पबाट बचौँ र बचाऔँ ।।

(उमेश कार्की मन्थली माविका विद्यार्थी हुन्,  कविता २१ औं भूकम्प सुरक्षा दिवशको अवसरमा वाचन गरि पुरस्कृत भएको हो ।)

Share this

प्रतिकृया

Add

Add

तपाईको प्रतिक्रिया

Your email address will not be published. Required fields are marked *