गुनासोको सुनुवाई नभएपछि प्राधिकरण विरुद्ध उजुरी

 बुधबार, साउन १४, २०७७ | onlinenews

१४ साउन, रामेछाप— पटक–पटक गुनासो भर्दा पनि भूकम्पबाट पूर्णरुपमा क्षति भएका घर पुनर्निर्माण लाभग्राहीको सूचीमा नपरेपछि राष्ट्रिय पुनर्निर्माण प्राधिकरणको निर्णय विरुद्ध पुनरावलोकनका लागि उजुरी दर्ता गराउनेहरुको भिड लागेको छ ।
जिल्ला आयोजना कार्यान्वयन इकाई (अनुदान व्यवस्थापन तथा स्थानीय पूर्वाधार) रामेछापको कार्यालयमा उजुरी दर्ता गर्नेहरुको भिड लागेको हो । दुई तीन पटकसम्म गुनासो दर्ता गराउदा पनि गुनासोको सुनुवाई नभएको भन्दै प्राधिकरणको निर्णय विरुद्ध उजुरी हालेका हुन् ।
जिल्ला आयोजना कार्यान्वयन इकाई (अनुदान ब्यवस्थापन तथा स्थानीय पूर्वाधार) रामेछापका प्रमुख गणेश अर्यालका अनुसार सोमबार राति साढे ९ बजेसम्म उजुरी दर्ता भएको र मंगलबार समेत उजुदी दर्ता गराउनेको उत्तिकै भीड लागेको थियो । उजुरी दर्ताको समयसीमा साउन १५ गतेसम्म तोकिएको छ ।
जिल्ला आयोजना कार्यान्वयन इकाईका अनुसार रामेछापमा मात्र प्राधिकरणको निर्णयमा पुनरावलोकनको माग गर्दै १ हजार ५ सय भन्दा बढीले उजुरी दिइसकेका छन् । भूकम्पले बस्ने घर भत्काएको तर प्राधिकरणले लाभग्राही सूचीमा समावेश नगरेका कारण समस्यामा परेकाहरुलाई प्राधिकरणको निर्णय चित्त नबुझे निर्णय पुनरावलोकन गर्न उजुरी हाल्न सकिने प्रावधान छ ।

प्रतिकृया

Add

तपाईको प्रतिक्रिया

Your email address will not be published. Required fields are marked *