Hamro-Mobile-APP

रामेछापमा विद्यार्थी बोकेको बस दुर्घटना १५ घाइते

 शुक्रबार, फाल्गुन ७, २०७७ | onlinenews

रामेछाप– रामेछाप मन्थली नगरपालिका सालुबाट विद्यार्थी बोकेर सदरमुकाम मन्थली आउँदै गरेको यात्रु बाहक बस दुर्घटना हुदा १५ विद्यार्थी घाइते भएका छन् । सदरमुकाम मन्थलीमा शुक्रबारबाट हुने मन्थली नगरपालिका स्तरीय राष्ट्रपति रनिङ शिल्ड भलिबल प्रतियोगितामा सहभागि हुन आएका विद्यार्थी चढेको बस मन्थली नगरपालिका वडा नं. १ र ५ को सीमानामा पर्ने मच्छेडाँडीमा दुर्घटना भएको हो ।
बा ५ ख २८५७ नम्बरको पूर्व अरनिको यातायात प्रा.लि.को बसमा राष्ट्रपति रनिङ शिल्ड भलिबल प्रतियोगतिमा आएका विद्यार्थी र शिक्षक गरि ५३ जना सवार रहेका जिल्ला प्रहरी कार्यालय रामेछापले जनाकारी दिएको छ ।


घाइते मध्य केही विद्यार्थीको अवस्था गम्भीर रहेको पनि जिल्ला प्रहरी कार्यालय रामेछापले जनाएको छ । घाइते विद्यार्थीहरुको उपचार मन्थलीस्थित तामाकोसी अस्पतालमा भइरहेको छ । तीब्र गतिको कारण बस दुर्घटना भएको बताइएको छ ।

प्रतिकृया

Add

तपाईको प्रतिक्रिया

Your email address will not be published. Required fields are marked *