प्रदिपकुमार तामाङ पुर्पक्षका लागि जेल चलान

बुधबार, माघ २५, २०७९ | onlinenews

रामेछाप– लिखु तामाकोशी गाउँपालिका–५ का गणेश दमाइको हत्या आरोपमा पक्राउ परेका सोही ठाउँमा प्रदिपकुमार तामाङ पुर्पक्षका लागि जेल चलान भएका छन् । तामाङलाई पुर्पक्षका लागि कारागार पठाएको जिल्ला प्रहरी कार्यालय रामेछापले जनाएको छ । गत पुस २८ गते बिहान गणेश दमाईको लाश फेलापरेपछि मृतकका छोरा विशाल परियारले पुस २९ गते प्रतिप तामाङको नाममा किटानी जाहेरी दिएका थिए । जाहेरीको आधारमा प्रहरीले तामाङलाई प्रक्राउ गरि अनुसन्धान प्रतिवेदनसहित जिल्ला अदालत रामेछाप पेश गरेको थियो । मंगलबारको इजालसले तामाङलाई पुर्पक्षको लागि कारागारा पठाउने आदेश भएको जिल्ला प्रहरी कार्यालय रामेछापले जनाएको छ ।